Hlíðahringur í Heiðmörk Gönguleið

Hlíðahringur er um tíu kílómetra hringleið um fjölbreytt landslag Heiðmerkur, eins vinsælasta útivistarsvæðis höfuðborgarsvæðisins. Lagt er af stað frá Borgarstjóraplani við Maríuhella og hlaupið í átt að Vífilsstaðavatni, framhjá Grunnuvötnum, eftir Hjöllum og áfram um Vífilsstaðahlíð áður en haldið er til baka að upphafsstað. Leiðin liggur um birkiskóg, hraun og opið mólendi, og á köflum er fallegt útsýni yfir Heiðmörk, Vífilsstaðavatn og nágrennið. Stígarnir hafa verið endurbættir töluvert á síðustu árum og liggja nú að mestu um vel gerða göngustíga svo leiðin er greiðfær til göngu. Hækkunin er hófleg, samanlagt um 140 metrar með nokkrum löngum en aflíðandi brekkum. Undirlagið er blandað náttúrulegt efni, mold, melur og grjót, og leiðin er merkt og vel sýnileg. Heiðmörk er í umsjón Skógræktarfélags Reykjavíkur og nánari upplýsingar um svæðið má finna á heidmork.is. Bílastæði er við upphafsstað.