Grímannsfell frá Gljúfrasteini Hlaupaleið
Krefjandi fjallahlaupaleið á Grímannsfell, hæsta fjall í landi Mosfellsbæjar (484 m), frá Gljúfrasteini, húsi Halldórs Laxness. Um 10,5 km hringur með mikilli hækkun eftir stikaðri leið meðfram Köldukvísl, framhjá Helgufossi og upp á fjallið. Söguslóðir Nóbelsskáldsins og stórbrotið útsýni.
Nánari upplýsingar
Landshluti
Höfuðborgarsvæðið, Mosfellsbær
Upphafspunktur
Bílastæði við Gljúfrastein, Mosfellsdal
Merkingar
- Stikuð - merkt leið með stiku, staur eða stöng með reglulegu millibili
- Ómerkt leið - Engar merkingar til að vísa leið
Tímalengd
2 - 3 klukkustundir
Yfirborð
- Möl
- Þýft
- Votlendi
- Blandað yfirborð
Hindranir
- Vatnsrás - skurður eða renna til að ræsa fram vatni
- Brú - mannvirki sem ber stíg/slóða/veg yfir vatnsfall, sund, gil eða aðra hindrun
- Vað - Óbrúaður lækur, eyrar eða mýrar
Brú yfir Köldukvísl og nokkrir lækir að stikla. Upp við Grímannsfell getur verið bleyta og mýri nema í þurrkatíð. Þýft land á köflum og brött brekka upp á fjallið. Getur verið hvasst á toppi.
Hættur
- Vað - Óbrúaður lækur/á, eða votlendi/mýrar
- Vindstrengir - Leið þekkt fyrir kröftuga vindstrengi
Þjónusta á leiðinni
- Engin þjónusta
- Salerni
Bílastæði og safnið Gljúfrasteinn (með salerni og kaffi á opnunartíma) við upphaf leiðar.
Lýsing
Óupplýst leið
Tímabil
Leiðin er óaðgengileg hluta vetrar vegna snjólaga og klaka
Þessi leið er krefjandi fjallahlaupaleið á Grímannsfell, sem stundum er einnig ritað Grímarsfell og er hæsta fjall í landi Mosfellsbæjar, 484 metrar á hæð. Leiðin hefst við Gljúfrastein í Mosfellsdal, hús Nóbelsskáldsins Halldórs Laxness sem nú er safn, og liggur um sögufrægar slóðir. Sagt er að skáldið hafi oft gengið meðfram Köldukvísl sér til heilsubótar, fram að Helgufossi og til baka. Frá safninu er fylgt stikaðri leið, oft kölluð Skáldaleiðin, meðfram ánni Köldukvísl. Fljótlega er komið að Helgufossi, fallegum fossi þar sem er snotur áningarstaður og friðlýstar rústir af seli sem kennt er við Helgu. Ofan við fossinn er farið yfir ána á brú og haldið á brattann upp á fjallið. Slóðinn er stikaður alla leið með appelsínugulum stikum. Hæsti hluti fjallsins nefnist Stórhóll, en vesturtindurinn heitir Flatafell. Af toppnum er glæsilegt útsýni yfir Mosfellsheiði, Esjuhlíðar, Móskarðshnúka og allt höfuðborgarsvæðið. Á niðurleið er hægt að fara hring efst yfir Katlagil, sem lengir leiðina lítillega en opnar nýja sýn á Mosfellsdalinn. Leiðin er um 10,5 km með um 475 metra hækkun og hentar vönum hlaupurum í góðu formi. Undirlagið er blandað; tún, móar, þýft land og stikaðir stígar. Upp við fjallið getur verið bleyta og mýrlendi nema í þurrkatíð. Bílastæði og safn eru við Gljúfrastein.