Garðabæjarhringur frá Vídalínskirkju Hlaupaleið

Fjölbreytt hlaupaleið um Garðabæ sem tengir saman sögu, byggð og náttúru. Leiðin hefst við Vídalínskirkju, en tilvalið er að byrja eða enda á því að skoða Minjagarðinn að Hofsstöðum þar hjá, þar sem grafinn var upp einn stærsti landnámsskáli sem fundist hefur á Íslandi. Hlaupið er eftir stíg efst á hæðinni milli hverfanna, framhjá Holtstúni og áfram meðfram Reykjanesbraut og yfir brúna til móts við Vífilsstaði. Leiðin liggur fyrir neðan Vífilsstaði eftir Hraunstíg að Vífilsstaðavatni; fyrir ofan blasir gamli Vífilsstaðaspítalinn við, þar sem starfrækt var berklahæli frá 1910. Frá vatninu er haldið að Vífilsstaðahlíð og inn á stíginn meðfram byggðinni í Urriðaholti. Farið er stuttan spöl með Elliðavatnsvegi (Flóttamannaveginum) áður en komið er inn á stíginn við Urriðaholt, yfir Urriðaholtsstræti og yfir brúna yfir Reykjanesbraut. Þaðan liggur stígur út á Garðahraun og þverar úfið hraunið, síðan í gegnum íbúðahverfið í Flötum og aftur upp að Vídalínskirkju. Undirlagið er að mestu malbik og stígar, með hraunkafla, og leiðin er nánast flöt. Salerni og aðstaða eru við upphafsstað.