Flugvallahringur frá Vesturbæjarlaug Hlaupaleið

Þessi leið er létt og aðgengileg hlaupaleið sem hefst við Vesturbæjarlaug og liggur hringinn í kringum Reykjavíkurflugvöll í Vatnsmýri. Leiðin fylgir göngu- og hjólastígum um Vesturbæ, Vatnsmýri, Skerjafjörð og nágrenni flugvallarins. Reykjavíkurflugvöllur á sér langa sögu, en flugrekstur hófst í Vatnsmýri árið 1919 og Bretar byggðu upp varanlegan flugvöll á stríðsárunum. Leiðin er að stórum hluta greiðfær og hröð, tilvalin fyrir jöfn æfingahlaup, og liggur að hluta meðfram sjónum við Skerjafjörð þar sem víðsýnt er. Í grennd eru Öskjuhlíð, Nauthólsvík og Háskóli Íslands, og auðvelt er að tengja leiðina við aðrar leiðir eins og Ægisíðu og Fossvog. Leiðin er um 8 km frekar flöt, um 30 metar í hækkun, og hentar því vel í lengri æfingahlaup á jöfnum hraða. Stígarnir eru að hluta sameiginlegir göngu- og hjólafólki og því er rétt að sýna aðgát og víkja fyrir hjólandi umferð, auk þess sem fara þarf yfir götur á köflum. Þar sem leiðin er opin og liggur að hluta meðfram sjó getur verið vindasamt. Bílastæði og sundaðstaða eru við Vesturbæjarlaug við upphaf leiðar.