Viðhorf heimamanna til ferðamanna og ferðaþjónustu 2017 - landshlutaskýrslur

Könnun á viðhorfum landsmanna til ferðaþjónustu og ferðafólks á Íslandi sem Rannsóknamiðstöð ferðamála vann á árinu 2017. Í könnuninni var spurt um ýmis atriði sem varpa ljósi á viðhorf landsmanna. Nokkrar af spurningum könnunarinnar voru fyrst lagðar fyrir landsmenn í könnun á vegum Ferðamálastofu árið 2014.

Könnunin, sem fjármögnuð var af atvinnuvega- og nýsköpunarráðuneytinu, var lögð fyrir á tímabilinu september til nóvember 2017 og er hún liður í vöktun á viðhorfum heimamanna til ferðmanna og ferðaþjónustu. Hringt var í rúmlega 5.500 manns af öllu landinu og svöruðu 2.370 könnuninni. Svarhlutfall var 43%.

Í skýrslunum eru teknar saman niðurstöður könnunarinnar fyrir hvern landshlutanna sjö sem könnunin náði til.

• Austurland
• Höfuðborgarsvæðið
• Norðurland
• Reykjanes
• Suðurland
• Vestfirðir
• Vesturland