Þolmörk ferðamanna: Samanburður á árunum 2000/2001 og 2013

Árið 2013 fékkst styrkur frá Rannsóknamiðstöð ferðamála og Vinum Vatnajökuls til að endurtaka
rannsókn á þolmörkum ferðamanna frá árunum 2000/2001 og birtast hér niðurstöður þeirrar
rannsóknar. Rannsökuð voru þolmörk ferðamanna á fimm svæðum á landinu, Skaftafelli,
Jökulsárgljúfrum, Mývatnssveit, Langasjó og Lónsöræfum og bornar saman niðurstöður kannana
frá árunum 2000 og 2001 við árið 2013. Með rannsókninni fást upplýsingar um viðhorf
ferðamanna til þeirra breytinga sem urðu á svæðunum á tímabilinu, eins og t.d. hvort að fjöldi
ferðamanna þyki frekar of mikill nú en fyrir rúmum áratug og hvort ferðamönnum þyki
umhverfið hafa látið á sjá.