Hjólaleiðir á Íslandi

Markmið verkefnisins er að greina og meta hvað þarf til svo Ísland komist á kort EuroVelo verkefnisins sem er
evrópskt samstarfsverkefni sem hýst er af Evrópsku hjólreiðasamtökunum. Lagt var mat á það hvort hjólaleið á
Íslandi uppfylli kröfu EuoVelo til hjólaleiða og gagna aflað til að geta sótt um skráningu leiðar hjá samtökunum.
Skráning á leið hjá EuroVelo ætti að styrkja hjólaferðamennsku á Íslandi og styðja við þau fjölmörgu verkefni sem
þegar eru í gangi á sviði hjólaferðamennsku á Íslandi. Færð eru rök fyrir því að það ætti að vera eftirsóknarvert
markmið fyrir Ísland að laða hjólaferðamenn til landsins þar sem þeir skilja meira fjármagn eftir sig í landinu en
hinn almenni ferðamaður, staldra lengur við, fer hægar yfir og notast að auki við sjálfbæran ferðamáta sem er eitt af
megin markmiðum íslenskra stjórnvalda í uppbyggingu ferðamennsku.