Námsskrá fyrir leiðsögunám

Námskráin lýsir markmiðum, skipulagi náms og tilhögun kennslu og námsmats í leiðsögunámi. Lýst er lokamarkmiðum náms, en færnikröfur í leiðsögunámi eru útfærðar nánar í einstaka námsáföngum. Færnikröfur eru unnar af starfandi leiðsögumönnum, en samkvæmt 30. gr. laga um framhaldsskóla nr. 80/1996 er skólanefnd heimilt að setja á fót ráðgjafarnefnd við viðkomandi skóla með fulltrúum atvinnulífs í þeim tilgangi að stuðla að sem bestu samstarfi skóla og atvinnulífs og ýta undir frumkvæði þeirra við þróun starfsnáms.