Gisting og leyfismál - Er ekki örugglega allt á hreinu?
04.04.2013
Atvinnuvega- og nýsköpunarráðuneytið vill að gefnu tilefni er bent á að rekstur gistingar er leyfisskyld starfsemi enda mikil ábyrgð að bjóða gistingu án þess að hafa t.d. brunavarnir í lagi.
Gististaðir teljast staðir þar sem boðin er gisting til lengri eða skemmri tíma gegn endurgjaldi. Á þetta við um heimagistingu, gistingu í íbúðum, sumarhúsum, hótelum, gistiheimilum og gistiskálum.
Því er þeim sem bjóða gistingu bent á að afla tilskilinna leyfa þegar í stað.
Lögreglustjórinn á höfuðborgarsvæðinu gefur út leyfi í umdæmi hans en sýslumenn á öðrum svæðum.