Áhugaverðir staðir á Gullna hringnum: Skráning myndastoppa

Menningar- og viðskiptaráðuneytið fól Vegagerðinni að gera greiningu á áningarstöðum ferðamanna á Gullna hringnum. Markmiðið var að fá heildstæða yfirsýn yfir staði á Gullna hringnum þar sem ferðamenn stoppa gjarnan til myndatöku og engin aðstaða er til staðar. Einnig var Vegagerðinni ætlað að leggja til fyrstu úrbætur að bættu flæði umferðar ferðamanna um svæðið og jöfnun á álagstoppum sem og að búa til grunn fyrir frekari úrbætur til framtíðar.