Um Framkvæmdasjóðinn

Hlutverk sjóðsins

Framkvæmdasjóður ferðamannastaða er í vörslu Ferðamálastofu. Samkvæmt lögum nr. 75/2011 um Framkvæmdasjóð ferðamannastaða er markmið og hlutverk sjóðsins að stuðla að uppbyggingu, viðhaldi og verndun ferðamannastaða og ferðamannaleiða um land allt og styðja með því við þróun ferðaþjónustu sem mikilvægrar og sjálfbærrar stoðar í íslensku atvinnulífi. Það er jafnframt markmið sjóðsins að stuðla að jafnari dreifingu ferðamanna um landið og styðja við svæðisbundna þróun.

Framkvæmdasjóður ferðamannastaða fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.  Heimilt er að fjármagna framkvæmdir sem snúa að öryggi ferðamanna, náttúruvernd og uppbyggingu, viðhaldi og vernd mannvirkja.

Reglugerð sjóðsins

Í reglugerð sjóðsins og sérstakri upplýsingasíðu um umsóknir er nánar fjallað um styrkveitingar, fyrirkomulag úthlutana og margt fleira. Eru væntanlegir umsækjendur sérstaklega hvattir til að kynna sér reglurnar.

Stjórn sjóðsins

Ferðamála-, iðnaðar- og nýsköpunarráðherra skipar fjóra fulltrúa í stjórn Framkvæmdasjóðs ferðamannastaða til tveggja ára í senn. Einn skipaðir eftir tilnefningu Samtaka ferðaþjónustunnar, einn eftir tilnefningu Sambands íslenskra sveitarfélaga, einn eftir tilnefningu ráðherra sem fer með málefni náttúruverndar og einn án tilnefningar og skal hann vera formaður. Stjórn sjóðsins skal gera tillögur til ráðherra um úthlutanir úr sjóðnum. Stjórn sjóðsins skipa:

  • Halldór Eiríksson arkitekt, formaður
  • Pétur Óskarsson, tilnefndur af Samtökum ferðaþjónustunnar
  • Þórdís Lóa Þórhallsdóttir, tilnefnd af Sambandi íslenskra sveitarfélaga
  • Dagný Arnarsdóttir, tilnefnd af umhverfis- og auðlindaráðuneyti

Innskráning á vinnusvæði stjórnar - stjórnargátt

Nánari upplýsingar

Framkvæmdasjóður ferðamannastaða er í vörslu Ferðamálastofu sem annast rekstur sjóðsins, þ.m.t. framkvæmd úthlutana úr sjóðnum, uppgjör, bókhald og gerð ársreikninga. 

Fannst þér efnið á síðunni hjálplegt?