Áfangastaðaáætlun Reykjaness

Í gagnabankann er leitast við að skrá skýrslur og annað útgefið efni tengt ferðaþjónustu, sem út kemur hérlendis og er öllum opið án endurgjalds. Senda ábendingu um efni

Nánari upplýsingar
Titill Áfangastaðaáætlun Reykjaness
Lýsing

Áfangastaðaáætlun Reykjaness hefur nú verið birt. Í áætluninni eru lögð drög að frekari þróun í ferðamálum á svæðinu en áætlunin er sú fyrsta sem sérstaklega hefur verið unnin fyrir ferðaþjónustu á svæðinu.

Fjölmörg tækifæri

Í áætluninni kemur meðal annars fram að ferðaþjónusta er stærsti atvinnuveitandi á Reykjanesi með um 26% starfa á svæðinu. Með hliðsjón af staðsetningu svæðisins er ljós að þar eru mikil tækifæri til uppbyggingar. Svæðið er í nágrenni við Keflavíkurflugvöll, Reykjavík og vinsæla ferðamannastaði á Suðurlandi. Það eru því tækifæri til að tengja svæðið betur þeim stöðum og markaðssetja Reykjanes sem úthverfi höfuðborgarinnar.

Tilgangur með Áfangastaðaáætlun Reykjaness er að skerpa á hlutverki og ábyrgð þeirra sem koma að ferðamálum á svæðinu auk þess sem henni er ætlað að vera verkfæri til að fylgja eftir stefnumótun fyrir áfangastaðinn og móta stefnu um markaðssetningu, uppbyggingu áningastaða, útivist, vöruþróun, fræðslu, aðra starfsemi og verndun.

Samstarf við sveitarfélög og hagaðila

Áfangastaðaáætlun Reykjaness nær yfir sveitarfélögin fjögur á Suðurnesjum. Við gerð áætlunarinnar var unnið út frá þeim áætlunum og stefnum sem fyrir liggja hjá sveitarfélögunum og sameiginlegum verkefnum svæðisins. Áætlunin var einnig unnin í samstarfi við Reykjaness Geopark og hagaðila á svæðinu. 

Verkefnastjórar fyrir áfangastaðaáætlun Reykjaness voru Þuríður H. Aradóttir Braun, forstöðumaður Markaðsstofu Reykjaness og Eggert Sólberg Jónsson, forstöðumaður Reykjanes Geopark. 

 

Skráarviðhengi Ná í viðhengi
Höfundar
Flokkun
Flokkur Stefnumótun og skipulag
Útgáfuár 2019
Útgefandi Markaðsstofa Reykjaness
Leitarorð dmp, reykjanes, áfangastaðaáætlun, áfangastaðaáætlanir, markaðsstofa reykjaness, ferðamálastofa