Ferðamenn um Keflavíkurflugvöll

Fjöldi ferðamanna eftir þjóðerni er metinn út frá kerfisbundnu úrtaki sem tekið er meðal farþega áður en komið er inn á brottfararsvæði Keflavíkurflugvallar. Niðurstöður eru hugsaðar sem viðbótarupplýsingar við farþegatölur Isavia til að geta greint fjölda ferðamanna til landsins eftir þjóðernum og ber að skoða þær með þeim fyrirvörum sem aðferðafræðin felur í sér.

Gagnasöfnun fer fram alla mánuði ársins þar sem farþegar á leið úr landi eru taldir eftir helstu þjóðernum. Með nýju aðferðafræðinni má gera ráð fyrir skekkju í hlutfalli hvers þjóðernis sé að meðaltali innan við +-0,3% í mánuði.

Ítreka ber að flestir skiptifarþegar eru ekki inni í þessum tölum. Niðurstöður úr könnnum sem Isavia hefur látið framkvæma meðal brottfararfarþega benda til að um 93% brottfararfarþega yfir vetrartímann séu að heimsækja Ísland í persónulegum eða viðskiptalegum tilgangi og gisti eina eða fleiri nætur. Þeir sem koma inn í landið án þess að gista hafa mælst um 2% sjálftengifarþegar hafa mælst á bilinu 2-4% og erlendir ríkisborgarar búsettir hérlendis til skemmri eða lengri tíma á bilinu 1,4-3,4%. Sjá nánar

Samanburður milli ára

Í skjölunum er samanburður á milli hverra tveggja ára fyrir hvern mánuð um sig og árið í heild, bæði fyrir hvert þjóðerni og fyrir markaðssvæði.

Brottfarir erlendra farþega um Keflavíkurflugvöll 2003-2018

Excel-skjalið hér að neðan hefur að geyma fjögur "sheet" með mismunandi samanburði.

  • Eftir mánuðum og þjóðernum:
    Tafla fyrir hvert ár með fjölda gesta eftir þjóðerni í hverjum mánuði. Þetta "sheet" er uppfært mánaðarlega en önnur "sheet" skjalsins þegar niðurstöður fyrir árið í heild liggja fyrir.
  • Eftir þjóðernum:
    Niðurstöður fyrir hvert ár um sig eftir þjóðerni og markaðssvæði.
  • Eftir mánuðum:
    Niðurstöður hvers árs um sig brotið niður á mánuði.
  • Eftir árstíðum:
    Niðurstöður hvers árs brotið niður á sumar, vetur, vor og haust.

Brottfarir erlendra farþega um Flugstöð Leifs Eiríkssonar 2003-2019

Brottfarir Íslendinga

*Talning Ferðamálastofu og Isavia er hugsuð sem viðbótarupplýsingar við farþegatölur Isavia til að geta greint fjölda ferðamanna til landsins eftir þjóðernum. Um er að ræða handtalningu áður en komið er inn á brottfararsvæði og tölurnar ber að skoða með þeim fyrirvörum sem aðferðafræðin felur í sér. Talningarnar ná yfir alla sem fara í gegnum hefðbundna öryggisleit.
Ítreka ber að flestir skiptifarþegar eru ekki inni í þessum tölum. Niðurstöður úr könnnum sem Isavia hefur látið framkvæma meðal brottfararfarþega benda til að um 93% brottfararfarþega yfir vetrartímann séu að heimsækja Ísland í persónulegum eða viðskiptalegum tilgangi og gisti eina eða fleiri nætur. Þeir sem koma inn í landið án þess apð gista hafa mælst um 2% sjálftengifarþegar hafa mælst á bilinu 2-4% og erlendir ríkisborgarar búsettir hérlendis til skemmri eða lengri tíma á bilinu 1,4-3,4%. Sjá nánar