Könnun meðal erlendra ferðamanna sumarið 2011

Niðurstöður könnunar sem Ferðamálastofa fékk MMR til að framkvæma meðal erlendra ferðamanna sumarið 2011. Markmiðið með könnuninni var að afla upplýsinga um erlenda ferðamenn á Íslandi, aðdragandann að Íslandsferðinni, ferðahegðun þeirra á Íslandi, eyðsluhætti og viðhorf þeirra til ýmissa þátta íslenskrar ferðaþjónustu. Um var að ræða netkönnun en netföngum var safnað með skipulögðum hætti á brottfararsvæði flugstöðvar Leifs Eiríkssonar og Norrænu ferjunnar á Seyðisfirði á tímabilinu 5. júlí-31. ágúst 2011. Úrtakið var 4.545 manns og var svarhlutfallið 51,9%.

Ath.: PDF-skjalið með könnuninni er sett upp með valmynd í "Bookmarks" sem auðveldar mjög að flakka fram og til baka í henni. Til að kveikja á "Bookmarks" þarf að smella á tákn sem í flestum útgáfum Acrobat Reader lítur út líkt og myndin hér að neðan og er staðsett ofarlega til vinstri á skjánum:

Athugið að ekki er öruggt að "Bookmarks" virki ef skjalið er opnað beint hér af síðunni með vefskoðara þannig að þá þarf að byrja á að vista skjalið á eigin tölvu og opna síðan með Acrobat Reader.