Könnun Ferðamálastofu meðal erlendra ferðamanna 2024

Ferðamálastofa hefur um árabil framkvæmt brottfararkannanir meðal erlendra ferðamanna á Keflavíkurflugvelli, allt árið um kring. Regluleg gagnasöfnun og ör birting á niðurstöðum skapa forsendur til að fylgjast með breytingum og þróun á ferðamarkaðnum og mynda þannig kjölfestu til framtíðar í þekkingu um ferðamenn.

Með heilsárskönnun Ferðamálastofu verður til ítarleg þekking á viðhorfi og atferli ferðamanna. Niðurstöður könnunarinnar leiða m.a. í ljós hvernig ákvörðunarferli varðandi Íslandsferð er háttað, upplýsingar um ferðahegðun á Íslandi og upplifun og viðhorf til þátta sem snerta ferðaþjónustu hér á landi.

Nánaðarlegar uppfærslur

Í Mælaborði ferðaþjónustunnar má skoða lykilniðurstöður sem unnar eru upp úr könnuninni. Tölurnar uppfærast mánaðarlega. Þá er þeim einnig gerð skil í mánaðarlegri talnasamantekt Ferðamálastofu, Ferðaþjónusta í tölum.

Samandregnar niðurstöður í skýrsluformi

Hér að neðan er aðgengileg skýrsla með niðurstöðum könnunarinnar. Upplýsingar eru settar fram með myndrænum hætti og í töflum þar sem finna má svör eftir helstu þjóðernum og markaðssvæðum. Í sumum tilfellum er tenging inn á Excel-töflur með frekari greiningu gagna eftir fleiri bakgrunnsbreytum og tímabilum.

Ferðamenn á Íslandi 2024

• Íslensk útgáfa
  • Samantekt í Infogram
  • Nánari greining á niðurstöðum í excel-skjali