Elliðaárdalur Hjólaleið
Þessi hjólaferð liggur um Elliðaárdalinn sem einkennist af fallegum áarstígum, grænni náttúru og fjölbreyttu fuglalífi.
Nánari upplýsingar
Landshluti
Höfuðborgarsvæðið, Reykjavík
Upphafspunktur
Elliðaárstöð
Merkingar
Ómerkt leið - Engar merkingar til að vísa leið
Tímalengd
1 - 2 klukkustundir
Yfirborð
Bundið slitlag
Hættur
Umferð bíla
Þjónusta á leiðinni
- Salerni
- Sorplosun
Hægt er að sækja þjónustu við Elliðaárstöð og Árbæjarsundlaug.
Lýsing
Upplýst leið
Tímabil
Opið alla árstíma
Elliðaárdalurinn er umvafinn gróðri, skógarrjóðrum og fjölbreyttu fuglalífi. Leiðin um Elliðaárdalinn er rúmlega 8 km löng og hentar vel bæði vönu og óvönu hjólafólki, enda eru stígarnir að mestu malbikaðir og auðfarnir. Hjólatúrinn hefst við Elliðaárstöð, þar sem farið er upp brekku og undir Höfðabakkabrúna. Þaðan liggur leiðin áfram meðfram ánni á góðum stíg. Farið er meðfram æfingasvæði Fylkis og áfram framhjá hesthúsabyggðinni í Víðidal. Stígurinn heldur áfram í átt að Breiðholtsbraut. Farið er yfir ána, hjólað til baka sunnan megin við árnar, og stígnum fylgt þar til komið er aftur að Höfðabakkabrú. Hægt er að stytta leiðina með því að fara yfir brúna og aftur að bílastæðinu við Rafstöðvarveg. Þau sem vilja ljúka öllum hringnum halda áfram í átt að Vesturlandsvegi. Þar taka við stígar og slóðar sem liggja áfram með ánni. Á stuttum kafla getur þurft að teyma hjólið, sérstaklega fyrir óvana hjólara. Að lokum er hjólað eftir stígnum meðfram Rafstöðvarvegi og komið aftur að upphafspunkti við bílastæðið.