Kópaskersmisgengið Gönguleið

Þessi gönguleið er fjölbreytt og skemmtileg, og tilvalin fyrir þá sem sækja Kópasker heim. Förin hefst hjá tjaldsvæði bæjarins og er gengið meðfram þjóðveginum í átt að Snartarstaðarlæk. Snartarstaðir hýsa Byggðasafn Norður-Þingeyinga og því upplagt að nýta tækifærið og kynna sér sögu byggðarinnar í Öxarfirði. Áfram er farinn hringur og komið fram á Kópaskersmisgengið, en það eru jarðmyndanir sem hafa orðið til á brotamörkum jarðflekanna. Svæðið liggur á þannig virku gosbelti og þó ekki hafi gosið á láglendi í nútíma þar, þá gætir áhrifanna með ýmsum hætti og með tilheyrandi fjölbreytni í landslaginu. Fuglalífið er ekki síður merkilegt, enda tjarnir og votlendi á þessari leið og fjöldi varpfugla á þessu svæði.