Hraunsvatn Gönguleið

Hraunsvatn er staðsett í mynni Vatnsdals sem liggur á milli Þverbrekkuhnjúks og Drangafjalls í Öxnadal. Umhverfið er hreint út sagt ævintýralegt, og leiðina á enda vakir Hraundranginn yfir ferðalöngum.

Nánari upplýsingar

Landshluti

Norðurland, Hörgársveit

Upphafspunktur

Hraun, Öxnadalur

Erfiðleikastig

Þrep 2 - Miðlungs leið

1 2 3 4

Merkingar

Stikuð - merkt leið með stiku, staur eða stöng með reglulegu millibili

Tímalengd

3 - 4 klukkustundir

Yfirborð

Blandað yfirborð

Hindranir

Þrep - Trappa, stallur, stig eða lágur hjalli sem þarf að stíga upp á

Hættur

Engar hættur á leiðinni

Þjónusta á leiðinni

Engin þjónusta

Lýsing

Óupplýst leið

Tímabil

Opið alla árstíma

Hraunsvatn er staðsett í mynni Vatnsdals sem liggur á milli Þverbrekkuhnjúks og Drangafjalls í Öxnadal. Það liggur hátt eða í um 500 m yfir sjávarmáli, í landi Hrauns og Háls. Hraunsá rennur úr vatninu og liðast um 300 m áður hún hverfur ofan í landslagið. Hér erum við auðvitað á slóðum þjóðskáldsins Jónasar Hallgrímssonar (1807-1845), en faðir hans drukknaði í Hraunsvatni árið 1816 og var Jónas þá sendur í fóstur níu vetra gamall.

Gengið er upp frá bænum Hrauni upp í gróið dalverpi, en þar liggur fjárgata og er leiðin merkt með rauðum stikum. Umhverfið er hreint út sagt ævintýralegt, og leiðina á enda vakir Hraundranginn yfir ferðalöngum.

Göngufólki er bent á að leggja bílum við túnið áður en komið er upp að bílastæðinu við Hraun og ganga þaðan um hlaðið við Hraun.

Skoða fleiri upplýsingar um leið

Sækja göngluleið sem GPX skrá