Kristján L. Möller nýr ráðherra ferðamála

Við stjórnarskiptin sl. fimmtudag tók Kristján L. Möller við embætti samgönguráðherra. Samkvæmt fréttum var sagt að verkefni tengd ferðamálum yrðu færð úr ráðuneytinu en ekki vitað hvenær eða hvernig. Nú er komið fram að það verður ekki fyrr en um næstu áramót. Nýr ráðherra ferðamála er því Kristján L. Möller og býður Ferðamálastofa hann velkominn til starfa og hlakkar til samstarfsins næstu mánuði.