Landamærakönnun 2017-2018

Skógarfoss ©Ragnar Th. Sigurðsson Í júní 2017 hófst gagnasöfnun á Keflavíkurflugvelli vegna landamærakönnunar sem framkvæmd er af Epinion fyrir Ferðamálastofu og Hagstofuna. Könnunin er umfangsmikil og byggja spurningarnar að talsverðu leyti á spurningalistum frá fyrri viðhorfskönnunum gerðar hafa verið á vegum Ferðamálastofu, síðast sumarið 2016.

Reglulegri gagnasöfnun - meira niðurbrot

Stóra breytingin er hins vegar að með reglulegri gagnasöfnun er nú hægt að brjóta niðurstöðurnar niður á mánuði og tímabil og fá þannig nákvæmari niðurstöður og áreiðanlegri tölfræði um útgjöld, atferli og viðhorf ferðamanna. Könnunin er tvískipt, þ.e. við brottför á Keflavíkurflugvelli er fólk spurt nokkurra spurninga en fær síðan sendan hlekk í tölvupósti sem svarað er eftir heimkomu.

Lykilniðurstöður í Mælaborði ferðaþjónustunnar

Lykilniðurstöður úr könnunni eru aðgengilegar í Mælaborði ferðaþjónustunnar og snúa að svonefndu meðmælaskori og viðhorfi ferðamanna til ýmissa þátta á Íslandi og íslenskri ferðaþjónustu. Niðurstöður er hægt að skoða og bera saman eftir bakgrunnsbreytum könnunarinnar, þ.e. aldurs markaðssvæða og tekna.

Heildarniðurstöður og niðurhal

Hér að neðan má kynna sér niðurstöður nokkurra helstu spurninga og þá er einnig hægt að hlaða niður Excel-skjölum með heildarniðurstöðum.

Heildarniðurstöður sumar 2017 (Excel)
Heildarniðurstöður haust 2017 (Excel)