Um notkun á könnuninni

• Í meðfylgjandi samantekt eru niðurstöður sumarkönnunar Ferðamálaráðs 2004 settar fram í myndrænu formi. Með hverri mynd er vísað til viðeigandi taflna þar sem finna má nánari niðurstöður. Einnig er sér síða með tengingum í allar töflur.

•   Í töflum 2.xx má finna svör sem flokkuð eru eftir þjóðerni svarenda, markaðssvæðum og ferðamáta til landsins. Í töflum 3.xx má finna svör flokkuð eftir kyni, aldri, starfsstétt, tekjum, tilgangi ferðar, tegund ferðar, gistimáta og landshluta sem gist var í.

Framkvæmd

• Um var að ræða brottfararkönnun sem fór fram í Leifsstöð og á Seyðisfirði (júní til ágúst).

• Spurningalistum var dreift af handahófi og svarendur fylltu hann sjálfir út.

• Spurningalistinn var á ensku, dönsku, þýsku, frönsku, ítölsku og spænsku.

• Spurt var m.a. um ákvörðunarferlið varðandi Íslandsferðina, ferðahegðun á Íslandi, útgjöld og viðhorf svarenda til einstakra þátta ferðaþjónustunnar.

• Á könnunartímabilinu var farið í 51 heimsókn í Leifsstöð, 27 morgna, 22 síðdegi og 2 kvöld. Úrtak var tekið fjóra morgna á Seyðisfirði.

• Spurningalistum var dreift til 3.139 gesta. Til baka bárust 2.574 listar, þar af 2.507 nothæfir. 1916 gestir neituðu að svara, 983 karlar og 933 konur.

Þýðið

• 166.973 erlendir gestir fóru úr landi um Leifsstöð á tímabilinu 1.júní-31. ágúst. 21% gesta voru frá Norðurlöndunum, 15,7% frá Þýskalandi, 13,8% frá N-Ameríku, 13,3% frá Bretlandi og 8,4% frá Frakklandi.

• Um 8.000 fóru með Norrænu ferjunni á sama tímabili.