Um notkun á könnuninni

• Í meðfylgjandi samantekt eru niðurstöður könnunar Ferðamálaráðs meðal erlendra ferðamanna á tímabilinu september 2004 til maí 2005. Niðurstöðurnar eru settar fram í myndrænu formi. Með hverri mynd er vísað til viðeigandi taflna þar sem finna má nánari niðurstöður. Einnig er sér síða með tengingum í allar töflur.

•   Í töflum 2.xx má finna svör sem flokkuð eru eftir þjóðerni svarenda, markaðssvæðum og ferðamáta til landsins. Í töflum 3.xx má finna svör flokkuð eftir kyni, aldri, starfsstétt, tekjum, tilgangi ferðar, tegund ferðar, gistimáta og landshluta sem gist var í.

• Allar töflur eru Excel-skrár.

Framkvæmd

• Könnunin fór fram í flugstöð Leifs Eiríkssonar frá miðjum september 2004 fram í lok maí 2005.

• Spurningalistum var dreift af handahófi við brottför úr landinu.

• Einn spyrill sá um gagnasöfnun hverju sinni. Svarendur fylltu sjálfir út spurningalista.

• Könnunin fór fram á sex tungumálum, ensku, dönsku, þýsku, frönsku, spænsku og ítölsku.

• Farið var alls 97 skipti í Leifsstöð, 59 morgna og 38 síðdegi.

• Spurningalistum var dreift til 3.623 gesta. Til baka bárust 2.702 listar, þar af 2.591 nothæfur.

• 2825 einstaklingar neituðu að taka þátt í könnun, 1556 karlar og 1269 konur.

Þýðið

• 176.108 erlendir gestir fóru úr landi um Leifsstöð á tímabilinu 1. september - 31. maí. 31% gesta voru frá Norðurlöndunum, 21,0% frá Bretlandi, 16,7% frá N-Ameríku, 7,1% frá Þýskalandi og 4,0% frá Frakklandi.