Þjónustuhús fyrir áningarstaði og tjaldsvæði
Ferðamálastofa hefur tvívegis komið að vinnu við hönnun og útfærslu þjónustuhúsa sem nýtast á áningarstöðum og tjaldsvæðum.
Argos / Trésmíðaverkstæði Kára Lárussonar |
ARKÍS - vistvæn þjónustuhús |
 Árið 1985 var blásið til hugmyndasamkeppni um búnað á tjaldsvæðum og hönnun á
þjónustuhúsum. Á grunni tillögunnar sem hlaut 1. verðlaun (Arkitektastofan Argos) hefur Trésmíðaverkstæði Kára Lárussonar
í Dalabyggð smíðað hús í ýmsum útgáfum. Þau hafa notið mikilla vinsælda og má sjá húsin á
mörgum helstu ferðamannastöðum landsins. |
|
Á árinu 2011 gerðu Ferðamálastofa og Arkís arkitektar með sér samkomulag um þróun á teikningum
og öðrum fylgigögnum af vistvænum þjónustukjörnum á ferðamannastöðum. Um er að ræða lausn sem byggir á vistvænni
hugsun og íslenskri byggingarhefð, er einfalt að laga að aðstæðum á hverjum stað, hefur hagnýtt notkunargildi og er á
viðráðanlegu verði.
