Handbók um merkingar á ferðamannastöðum og friðlöndum
Handbókin er samstarfsverkefni Vatnajökulsþjóðgarðs, Umhverfisstofnunar, Ferðamálastofu og Þingvallaþjóðgarðs. Handbókin þjónar sem hönnunarstaðall fyrir aðildarstofnanirnar en er jafnframt ætluð öllum þeim sem koma að mótun umhverfis ferðamanna á Íslandi.
Megin hlutverk handbókarinnar er:
- Að samræma merkingar á ferðamanna- og náttúruverndarsvæðum
- Að leiðbeina um notkun táknmynda og texta, ásamt framleiðslu og uppsetningu skilta
- Að einfalda aðgengi að gögnum og táknmyndum við skiltagerð
- Að stuðla að notkun íslenskrar hönnunar og framleiðslu við merkingar á ferðamannastöðum
- Að móta skiltakerfi sem hentar íslenskum aðstæðum og krefst lágmarks viðhalds
- Að móta sveigjanlegt skiltakerfi sem auðvelt er að breyta og bæta við
Handbókin verður uppfærð reglulega hér á vefnum í takt við endurbætur og uppfærslu gagna. Hér má hlaða niður handbókinni til afnota, en jafnframt sækja táknmyndir og vinnsluteikningar fyrir framleiðendur.
Höfundar:
Guðrún Ingvarsdóttir arkitekt FAÍ Plan arkitektar
Annetta Scheving grafískur hönnuður
Árni Jón Sigfússon arkitekt
Gústaf Vífilsson verkfræðingur
Hlaða niður:
Handbók: PDF-stakar síður 18 MB PDF-opnur 18 MB Vefútgáfa
Táknmyndir: PDF-skjal
Framleiðsluteikningar: Zip-skrá (Framleiðsluteikningar eru á dwg og dxf formi)
Athugasemdum og ábendingum má koma á framfæri á handbok@planarkitektar.is
