Le Monde des Elfes

Ferðaskrifstofuleyfi ferðaskrifstofunnar Le Monde des Elfes skráð á Lisa Claire Haye, kt. 010187-4439, Drafnargötu 17, 425 Flateyri, hefur verið fellt úr gildi að beiðni leyfishafa þar sem ferðaskrifstofurekstri hefur verið hætt.

Starfsemi ferðaskrifstofunnar var tryggingaskyld vegna sölu pakkaferðar og samtengdrar ferðatilhögunar samkvæmt VII. kafla laga nr. 95/2018 um pakkaferðir og samtengda ferðatilhögun.

Samkvæmt 25. gr. er tryggingunni ætlað að endurgreiða fé sem viðskiptavinur hefur greitt vegna pakkaferðar eða samtengdrar ferðatilhögunar.

Með vísan til 27. gr. er hér með skorað á þá viðskiptavini ferðaskrifstofunnar, sem telja sig eiga kröfu á hendur henni, sbr. ofangreint, að leggja fram skriflegar kröfulýsingar í tryggingarféð fyrir 7. september n.k.

Kröfulýsingu skal senda inn rafrænt í gegnum Ísland.is. Undir þjónustuflokknum „Vegabréf, ferðalög og búseta erlendis“ er að finna sérstakt form sem þarf að fylla út. Með kröfulýsingu skulu fylgja fullnægjandi gögn til sönnunar um kröfuna, svo sem lýsingu á ferð, kvittanir fyrir greiðslu eða millifærslu. Ef kröfuhafi hefur ekki íslenska kennitölu skal senda formlega kröfu á krofur@ferdamalastofa.is. Nánari upplýsingar á ensku má finna á vef Ferðamálastofu.

Nánari upplýsingar eru veittar í síma 535 5500, á netspjalli stofnunarinnar eða á netfanginu krofur@ferdamalastofa.is

Ferðamálastofa


Athugasemdir