Fréttir

Aðalfundur Ferðamálasamtaka Vestfjarða

Aðalfundar Ferðamálasamtaka Vestfjarða verður haldinn í Bjarnarfirði á Ströndum um næstu helgi. Fundurinn er öllum opinn og í tengslum við hann verða ýmis fróðleg erindi. Til dæmis má nefna að Helga Haraldsdóttir, skrifstofustjóri ferðamála í samgönguráðuneytinu, mun ræða um ýmislegt sem er á döfinni í ferðamálum svo sem frumvarp um ný lög um ferðamál, samgöngumál, sérleyfismál. Éinar K. Guðfinnsson, formaður Ferðamáalráðs mun flytja erindi sem hann kallar Vestfirsk ferðaþjónusta í þágu náttúrunnar, auk þessa verður kynning á undirbúningi að markaðsskrifstofu fyrir Vestfirði og ferðamálafulltrúar munu segja frá þeim verkefnum sem verið er að vinna að, auk fleiri erinda. Dagskrá (með fyrirvara um breytingar): Föstudagur 6. maí 18:00-20:00Komið að Hótel LaugarhóliFundargestir mæta á svæðið. Hægt að kaupa léttar veitingar. 20:00-21:00Erindi og umræður um samgöngu- og ferðamálHelga Haraldsdóttir, deildarstjóri ferðamála í Samgönguráðuneytinu heldur erindi um ný lög um ferðamál, samgöngumál og fl. Að loknu erindu Helgu verða umræður um erindið. 21:00-22:45Málþing um markaðsmál og fyrirhugaða Markaðsskrifstofu VestfjarðaNeil Shiran Þórisson og Aðalsteinn Óskarsson frá Atvinnuþróunarfélagi Vestfjarða kynna fyrir fundargestum vinnu og undirbúning að Markaðsskrifstofu Vestfjarða, en hugmyndin að skrifstofunni hefur þróast út frá vinnu félagsins við markaðsáætlun. Opnar umræður verða um markaðsskrifstofu eftir erindi þeirra félaga. Laugardagur 7. maí 9:00-11:00Aðalfundur Ferðamálasamtaka VestfjarðaSkýrsla stjórnar, farið yfir reikninga félagsins, lagabreytingartillögur, kosning stjórnar, starfsáætlun fyrir næsta ár og önnur mál. Kaffihlé og örstutt gönguferð í nágrenni Laugarhóls. 11:00-12:00 Erindi og umræðurEinar Kristinn Guðfinnsson, alþingismaður og formaður Ferðamálaráðs:Einar flytur erindi sem ber heitið Vestfirsk ferðaþjónusta í þágu náttúrunnar. Umræður verða að erindi loknu. 12:00-13:00Matarhlé - Léttur hádegismatur á Hótel Laugarhóli. 13:00-15:00Erindi og umræðurFerðamálafulltrúar Vestfjarða flytja stutt erindiMatthías Henocque Jóhannsson, hótelstjóri á Laugarhóli:Rekstur hótels á hjara veraldar. 15:00 Kaffihlé 15:30-16:30Nýjungar og breytingar í ferðaþjónustu á VestfjörðumVestfirðingar segja í stuttu máli frá því sem er að gerast í ferðaþjónustunni á ólíkum hornum og hliðum Vestfjarðakjálkans. Einstakt tækifæri til að fræðast um nýmæli í ferðaþjónustu í fjórðungnum, fá fréttir af ferðafólki og fregna hvað er að gerast eða ekki að gerast á einstökum svæðum. 16:30-17:00 - Hlé 17:00-19:00Skemmtiferð um nágrenni Laugarhóls. 20:00Árshátíð ferðaþjóna á Vestfjörðum hefst á Hótel Laugarhóli. Þríréttaður kvöldverður og skemmtun. Sunnudagur 8. maí Brottför. Morgunmatur fyrir þá sem vilja. Sundlaug er á staðnum.Fundurinn er öllum opinn. Hann hefst kl. 20:00 á föstudagskvöld og eru gestir vinsamlegast beðnir að láta vita af þátttöku í kvöldverði og panta gistingu sem allra fyrst hjá Hótel Laugarhóli (s. 451-3380) eða á netfangið matti@snerpa.is. Einnig er hægt að fá gistingu á Gistiheimilinu Borgabraut á Hólmavík og á Kirkjubóli 10 km. sunnan við Hólmavík. Tilboð á gistingu og mat á Hótel Laugarhóli Gisting og matur:Gisting í eins manns herbergi með baði kr. 6.000.-Gisting í tveggja manna herbergi með baði kr. 7.900.-Gisting í eins manns herbergi án baðs kr. 4.000.-Gisting í tveggja manna herbergi án baðs kr. 5.400.-Svefnpokapláss í herbergi án baðs kr. 1.800.- per mannSvefnpokapláss í herbergi með baði  kr. 2.500.- per mann Morgunverður kr. 750.-Súpa ?fiskur ? kaffi, föstudagskvöld kr. 1.800.-Matarmikil súpa og brauð og kaffi í hádegi á  laugardag kr. 600.-Hátíðarkvöldverður laugardagskvöld forréttur- aðalréttur og eftirréttur kr. 3.000.-
Lesa meira

Gistinóttum fjölgaði um 7,5% á milli ára

Út er komið ritið Gistiskýrslur 2004 þar sem birtar eru niðurstöður úr gistináttatalningu Hagstofu Íslands fyrir árið 2004. Þar kemur fram að gistinóttum fjölgaði um 7,5% frá árinu 2003. Heildarfjöldi gistinátta var 2.133.630 árið 2004. Gistinóttum fjölgaði frá árinu 2003 á hótelum og gistiheimilum (7,3%), heimagististöðum (17,9%), svefnpokagististöðum (12,2%), á tjaldsvæðum (10,6%) og á farfuglaheimilum (6,9%). Gistinóttum fækkaði hins vegar í orlofshúsabyggðum (-3,6%) og í skálum í óbyggðum (-2,1%). Gistinóttum fjölgaði í öllum landshlutum. Aukningin var hlutfallslega mest á Suðurnesjum (17,5%), Norðurlandi vestra (15,9%) og á Vesturlandi (11,1%). Á höfuðborgarsvæðinu fjölgaði gistinóttum um 7,8%, á Norðurlandi eystra um 7,3% og á Suðurlandi um 5,5%.  Á Austurlandi nam fjölgunin 4,1% og á Vestfjörðum 4,0%. Í heftinu eru niðurstöður talningarinnar birtar í töflum, myndum og yfirlitum. Ritið er aðgengilegt í PDF-formi á vef Hagstofunnar.  
Lesa meira