Almennt um NATA

NATA logoFerðamálasamstarf Íslands, Færeyja og Grænlands hefur staðið um árabil og var ný skipan þess ákveðin í lok árs 2006 með stofnun North Atlantic Tourism Association, NATA. Hlutverk NATA er að móta sameiginlega stefnu í ferðamálum fyrir Vestur-Norðurlönd og styrkja ýmis verkefni sem efla ferðaþjónustu innan svæðisins. 

Styrkir til tvenns konar verkefna

        Umsóknafrestur vegna næstu úthlutunar rann út á miðnætti 26. febrúar 2021.
        Sótt er um á vef NATA á rafrænum eyðublöðum sem þar eru.

NATA auglýsir að jafnaði eftir styrkjum tvisvar á ári, í byrjun árs og í ágúst. Í samræmi við það sem samningur landanna kveður á um er hægt að sækja um styrki til tvennskonar verkefna:

  • Þróunar- og markaðsverkefna í ferðaþjónustu
  • Ferðastyrki, t.d. vegna skólahópa, íþróttahópa eða menningarverkefna

Nánar um styrki frá NATA

Vestnorden ferðakaupstefnan

Í samstarfinu er lögð áhersla á að fjölga kaupendum og alþjóðlegum fjölmiðlum á Vestnorden Travel Mart ferðakaupstefnunni sem löndin skiptast á að halda. Þetta er mikilvægasta kaupstefnan í ferðaþjónustu sem haldin er á Norður-Atlantshafssvæðinu en þar er koma saman ferðaþjónustuaðilar landanna þriggja auk kaupenda ferðaþjónustu frá öllum heimshornum.

Íslendingar halda Vestnorden annað hvert ár og hitt árið skiptast Grænlendingar og Færeyingar á um framkvæmdina. Næsta kaupstefna verður í Reykjanesbæ 5.-7. október 2021.

Vefur Vestnorden Travel Mart

Stjórn NATA

Tveir Íslendingar sitja í stjórn ferðamálasamstarfs Íslands, Grænlands og Færeyja auk tveggja fulltrúa frá hvoru hinna landanna. Fulltrúar Íslands eru:

  • Elías Bj. Gíslason, forstöðumaður gæða- og þróunarsviðs Ferðamálastofu og núverandi formaður NATA
  • Sigríður Dögg Guðmundsdóttir, fagstjóri ferðaþjónustu hjá Íslandsstofu

Samingurinn í heild