Ferðamálastofa auglýsir ár hvert eftir umsóknum um verkefnastyrki til stuðnings grasrótarstarfi í ferðaþjónustu. Til ráðstöfunar eru alls um 12 milljónir króna, en hámarksupphæð einstaks styrks og/eða hámarksupphæð styrkja í hverjum landshluta eru 1,5 milljónir króna.
Um umsækjandann
- Umsækjandi þarf að vera félag eða samstarfsklasi sem vinnur að þróun og uppbyggingu ferðaþjónustu s.s. ferðamálasamtök, ferðamálafélög, markaðsstofur o.s.frv.
- Verkefnið þarf að fela í sér skilgreint samstarf og hlutverk samstarfsaðila þurfa að vera skýr.
- Markmið verkefnisins þurfa að vera skýr og mælanleg.
- Umsókn þurfa að fylgja vandaðar kostnaðar- og verkáætlanir með tímasettum vörðum.
- Verkefnistíminn er eitt ár frá úthlutun styrkjar og þarf verkefnum að vera lokið 1. október árið eftir að styrkur var veittur.
- Heimilt er að útvista verkefni til þriðja aðila að gefnu samþykki Ferðamálastofu.
- Ekki er veittur styrkur til vefsíðugerðar eða hönnunar, prentunar og/eða útgáfu á markaðsefni.
Rekstrarstyrkir til ferðamálasamtaka landshlutanna
Ferðamálasamtök landshlutanna geta sótt um endurgreiðslu á rekstrarkostnaði fyrir allt að kr 500.000 á ári. Skilyrði fyrir endurgreiðslu eru eftirfarandi:
- Framvísa þarf reikningum fyrir keyptri þjónustu.
- Reikningarnir þurfa að vera stílaðir á viðkomandi ferðamálasamtök.
- Ferðir fást einungis endurgreiddar gegn framvísun akstursreikninga eða farseðla.
Grasrótarstyrkir Ferðamálastofu eru auglýstir á vorin.
Úthlutaðir styrkir |
||
Nánari upplýsingar
Hrafnhildur Ýr Víglundsdóttir, verkefnastjóri svæðisbundinnar þróunar
hrafnhildur@ferdamaalstofa.is
