Uppbygging og framkvæmd

Uppbygging dmp

Verkefnisstjórar áfangastaðaáætlana – verkfærakista og vinnustofur 

Verkefnisstjórar áfangastaðaáætlana bera ábyrgð á áætlunargerðinni og vinna hana í samvinnu við vinnuhópa. Við vinnuna er stuðst við verkfærakistu frá ráðgjafa verkefnisins, Tom Buncle sem hefur víðtæka reynslu af sambærilegri vinnu út um allan heim. Tom heldur reglulega snertifundi með verkefnisstjórum í gegnum allt ferlið þar sem farið verður yfir helstu áskoranir líðandi stundar og unnið að lausnum. Verkefnisstjórar hafa þannig stuðning bæði af Tom og af hverjum öðrum. Ferðamálastofa heldur utan um samráðsvettvang verkefnisstjóra og fjármagnar áætlanagerðina.  

Svæðisráð

Markaðsstofur skipa fulltrúa í svæðisráð en fjöldi þeirra getur verið ólíkur á milli svæða.

Hlutverk svæðisráða í I. áfanga verkefnisins var að taka ákvörðun um hversu margar áfangastaðaáætlanir yrðu unnar á hverju verkefnasvæði. Í öllum tilfellum var ákvörðun þeirra sú að gera eina áfangastaðaáætlun fyrir viðkomandi landssvæði. Hver áætlun innihéldi svo eina eða fleiri aðgerðaráætlanir sem gerðar væru fyrir smærri svæði eða sérstök þemu. 

Vinnuhópar

Vinnuhópar styðja við störf verkefnisstjóra. Vinnuhópar eru skipaðir eftir ítarlega hagaðilagreiningu á svæðunum og innihalda breiðan hóp hagaðila. 

Stýrihópur áfangastaðaáætlana

Stýrihópur hefur umsjón og eftirlit með framgangi verkefnisins samkvæmt fyrirliggjandi kostnaðar- og verkáætlunum. Stýrihópur tekur ákvarðanir er varða frávik frá ofantöldum áætlunum og sér til þess að samningi um verkefnið sé fylgt í hvívetna.

Stýrihópinn skipa:

Áshildur Bragadóttir, Höfuðborgarstofu
Díana Jóhannsdóttir, Markaðsstofu Vestfjarða
Inga Hlín Pálsdóttir, Íslandsstofu
Guðjón Bragason, Sambandi íslenskra sveitarfélaga
Óskar Jósefsson, Stjórnstöð ferðamála
Skarphéðinn Berg Steinarsson, Ferðamálastofu

 

Fannst þér efnið á síðunni hjálplegt?