Viðhorf ferðamanna til innviða og náttúru

Í gagnabankann er leitast við að skrá skýrslur og annað útgefið efni tengt ferðaþjónustu, sem út kemur hérlendis og er öllum opið án endurgjalds. Senda ábendingu um efni

Nánari upplýsingar
Titill Viðhorf ferðamanna til innviða og náttúru
Undirtitill Samantekt viðhorfskönnunar á meðal ferðamanna við Eldhraun og Úlfarsfell
Lýsing

Sumarið 2017 stóð Landgræðslan fyrir könnun á meðal ferðamanna um viðhorf þeirra til innviða og náttúru á tveimur áfangastöðum. Könnunin var hluti af svonefndu ASCENT verkefni, en það er samstarfsverkefni fimm landa um að efla fagþekkingu í uppbyggingu og náttúruvernd á áfangastöðum ferðamanna. Landgræðslan tekur þátt í verkefninu fyrir hönd Íslands í samstarfi við Mosfellsbæ og Skaftárhrepp. Nýta á niðurstöðurnar til stefnumótunar fyrir áfangastaði í þessum sveitarfélögum.

Könnunin var annarsvegar gerð í Eldhrauni í Skaftárhreppi, þar sem meirihluti gesta var erlendir ferðamenn, og hins vegar við Úlfarsfell þar sem langflestir gesta voru Íslendingar að stunda almenna útivist. Báðir staðirnir eiga það sameiginlegt, að þar blasa við ýmsar áskoranir vegna rofs eða ágangs, en þó með ólíkum hætti.

Tekið skal fram að úrtakið var lítið á báðum stöðum eða samtals um 280 manns og því erfitt að finna fylgni á milli einstaklinga. Niðurstöðurnar vekja þó upp ýmsar spurningar og þá sérstaklega um æskilegt yfirbragð og efnisval innviða á ferðamannastöðum, en miklu fjármagni er veitt í hönnun og uppbyggingu. Líklega er ekki alltaf vitað, þegar fé til framkvæmda hefur verið samþykkt, hvort framkvæmdirnar séu í samræmi við óskir og væntingar gesta og hvort þær jafnvel muni rýra umhverfið og þarmeð aðdráttarafl staðanna.

Skráarviðhengi Ná í viðhengi
Höfundar
Nafn Courtney Brooks
Nafn Guðný Rut Gylfadóttir
Nafn Örn Þór Halldórsson
Flokkun
Flokkur Stefnumótun og skipulag
Útgáfuár 2017
Útgefandi Landgræðsla ríkisins
Leitarorð landgræðslan, eldhraun, úlfarsfell, skaftárhreppur, uppbygging, skipulag, arkitektúr