Stuðlagil: Áfangastaður í mótun

Í gagnabankann er leitast við að skrá skýrslur og annað útgefið efni tengt ferðaþjónustu, sem út kemur hérlendis og er öllum opið án endurgjalds. Senda ábendingu um efni

Nánari upplýsingar
Titill Stuðlagil: Áfangastaður í mótun
Lýsing

Út er komin skýrsla sem nefnist Stuðlagil: Áfangastaður í mótun. Í skýrslunni eru niðurstöður rannsóknar á áskorunum sem fylgja óvæntri uppgötvun nýs áfangastaðar í viðkvæmri náttúru sem kallar á frekari uppbyggingu.

Stuðlagil er sjálfsprottinn áfangastaður sem komst óvænt á kortið vegna umfjöllunar og birtinga myndefnis á netmiðlum. Á skömmum tíma hefur Stuðlagil á Efra-Jökuldal orðið að þekktum áfangastað sem stöðugt fleiri ferðamenn heimsækja. Aukinni aðsókn ferðamanna hafa fylgt margháttaðar áskoranir fyrir landeigendur og þá sem tengjast ferðaþjónustu á svæðinu. Í rannsókninni er þróun ferðamennsku við Stuðlagil kortlögð og dregin er upp mynd af þeim áskorunum sem aðstandendur standa frammi fyrir þegar nýr áfangastaður ferðamanna tekur að mótast.

Rannsóknin skiptist í þrjá hluta. Í fyrsta hluta voru vinsældir Stuðlagils á samfélagsmiðlum kannaðar og mat lagt á stöðu umhverfisins og álagssvæða við gilið. Í öðrum hluta voru gerðar talningar á ferðamönnum og spurningalistar lagðir fyrir ferðamenn á svæðinu. Í þriðja hluta voru tekin viðtöl við heimamenn og aðila sem tengjast ferðamennsku á svæðinu.

Rannsóknin, sem unnin var sumarið 2019, er afrakstur samstarfs námsbrautar í land- og ferðamálafræði, Líf- og umhverfisvísindadeildar við Háskóla Íslands og landeigendafélagsins Jökuldalur sf. Rannsóknin var unnin með styrk frá Nýsköpunarsjóði námsmanna.

Skráarviðhengi Ná í viðhengi
Höfundar
Nafn Karítas Ísberg
Nafn Ragnar Már Jónsson
Nafn Sóley Kristinsdóttir
Flokkun
Flokkur Stefnumótun og skipulag
Útgáfuár 2019
Útgefandi Rannsóknamiðstöð ferðamála
ISBN 978-9935-437-99-0
Leitarorð stuðlagil, stefnumótun, austurland, jökuldalur