Lýsing |
Þessi könnun er unnin á vegum Landkynningarnefndar Ferðamálaráðs Íslands með stuðningi Flugleiða, Byggðastofnunar og félags íslenskra ferðaskrifstofa. Könnunin var þannig uppbyggð að í byrjun eru nokkrar lýðfræðilegar spurningar: spurt er um kyn, aldur, hjúskaparstöðu, menntun og atvinnu þátttakenda. Síðan koma spurningar er tengjast ferðinni sjálfri: tegund ferðalags, farartæki, gistiformi, gistisvæði, föruneyti, tilgangi ferðarinnar og eyðslu. Í þriðja lagi er spurt um heimsóknir fólks á upplýsingamiðstöðvar og reynslu af þeim. Að lokum er spurt um hvað fólki líki og mislíki við að ferðast um Ísland og það beðið um ábendingar um hvað betur megi fara í íslenskri ferðaþjónustu. |