Hafravatn Gönguleið
Hafravatn er fallegt stöðuvatn í Mosfellsbæ. Skemmtilegt er að ganga hringinn í kringum vatnið og njóta þess að vera í rólegri náttúru með fallegt útsýni.
Nánari upplýsingar
Landshluti
Höfuðborgarsvæðið, Mosfellsbær
Upphafspunktur
Bílastæði við skátasvæði eða Hafravatnsrétt
Merkingar
- Stikuð - merkt leið með stiku, staur eða stöng með reglulegu millibili
- Ómerkt leið - Engar merkingar til að vísa leið
Tímalengd
1 - 2 klukkustundir
Yfirborð
- Blandað yfirborð
- Votlendi
- Stórgrýtt
- Bundið slitlag
Hindranir
- Þrep - Trappa, stallur, stig eða lágur hjalli sem þarf að stíga upp á
- Vað - Óbrúaður lækur, eyrar eða mýrar
Hættur
Umferð bíla
Þjónusta á leiðinni
Engin þjónusta
Lýsing
Óupplýst leið
Tímabil
Opið alla árstíma
Hafravatn er fallegt stöðuvatn rétt austan við Úlfarsfell og tilheyrir vatnið Mosfellsbæ. Leiðin í kringum vatnið er um 5 km löng og hentar flestu göngufólki. Hægt er að hefja gönguna við Hafravatnsrétt eða útivistarsvæði skáta við suðurenda vatnsins.
Í upphafi er gengið stuttlega meðfram akveginum til vinstri áður en beygt er inn á slóðann sem liggur meðfram vatninu. Að mestu leyti er hægt að ganga meðfram fjörunni og á leiðinni eru falleg sumarhús í mikilli gróðursæld.
Þegar komið er að Úlfarsá er mýrlendi og lítil trébrú sem farið er yfir. Haldið er áfram meðfram fjörunni í Vatnsvík og þá má velja hvort gengið er meðfram akveginum aftur að bílastæðinu eða hvort menn vilji ögra sér við það að klöngrast í steinunum meðfram fjöruborðinu.