Skráning upplýsingamiðstöðvar

Skráð UpplýsingamiðstöðSamkvæmt lögum um Ferðamálastofu skal sá sem hyggst starfrækja upplýsingamiðstöð senda skriflega tilkynningu þess efnis til Ferðamálastofu. Upplýsingamiðstöð má hvorki hvorki setja saman, bjóða til sölu né auglýsa ferðir eða aðra ferðatengda starfsemi. 

Skráning á upplýsingamiðstöð

Skráning upplýsingamiðstöðva fer fram í gegnum island.is. Athugið að skráningin verður á nafni þess sem skráður er sem "Umsækjandi".

Einstaklingur  - umsóknareyðublað:
Ef starfsemin á að vera á nafni einstaklingar skráir hann sig inn með Íslykli eða rafrænum skilríkjum á hlekknum hér að neðan.

Lögaðili - umsóknareyðublað:
Til þess að hægt sé að sækja um fyrir lögaðila þarf forsvarsmaður fyrirtækis (prókúruhafi) að byrja á að fara á www.island.is, skrá sig inn á „Mínar síður“ með íslykli lögaðila og fylla út eyðublað fyrir umboð. Sjá nánari leiðbeiningar fyrir umboð

Þegar umboð liggur fyrir skráir forsvarsmaður sig inn með sínum perónulega Íslykli eða rafrænum skilríkjum á hlekknum hér að neðan.

Verð og nánari upplýsingar

Skráningargjald er 15.000 kr.

Meðal annars er beðið um eftirfarandi upplýsingar:

  • Nafn starfseminnar
  • Nafn rekstraraðila, kennitala, heimili, símanúmer og netfang.
  • Nafn og kennitala forráðamanns
  • Lýsing á starfsemi
  • Opnunartími starfsstöðvar

Upplýsingamiðstöðvar hafa heimild til að nota myndrænt auðkenni Ferðamálastofu. 

Ferðamálastofu er heimilt að fella upplýsingamiðstöð af skrá ef starfsemi hefur verið hætt eða starfsemi er útvíkkuð þannig að hún falli undir skilgreiningu á ferðasala dagsferða eða ferðaskrifstofu. Ferðamálastofa úrskurðar ef ágreiningur rís um til hvaða flokks starfsemi heyrir.