Uppbygging og framkvæmd

Uppbygging dmp

Uppbygging verkefnis

Myndræn útskýring á aðilum sem að verkefninu koma og lýsingu á þeirra ábyrgðarsviði er sýnd á meðfylgjandi mynd (hægt er að smella á myndina til að sjá hana stærri - opnast í nýjum flipa). Mælt er með að myndin sé höfð til hliðsjónar við lestur skýringanna hér að neðan.

Svæðisráð

Í svæðisráð er skipað eftir hagaðilagreiningu á viðkomandi markaðsstofusvæði og getur fjöldi fulltrúa á milli svæða verið mismunandi. Leiða markaðsstofur landshlutanna störf þeirra. 

Hlutverk svæðisráða er að taka ákvörðun um hversu margar DMP áætlanir eru unnar á hverju markaðsstofusvæði og hvaða leið skuli velja við áætlunargerðina.

DMP – vinnuhópar

DMP vinnuhópur er sá hópur fólks sem kemur að og drífur áfram viðkomandi DMP áætlun. Æskilegt er að í vinnuhópnum sitji breiður hópur hagaðili, bæði opinberra og einkaaðila. Í hópinn er skipað á fyrsta verkefnafundi en til hans er boðað af markaðsstofu viðkomandi svæðis í samvinnu við tengilið.

Verkefnisstjórar DMP áætlana – verkfærakista og vinnustofur 

Verkefnisstjórar DMP áætlana sjá um áætlunargerðina sjálfa í samvinnu við vinnuhópa. Við vinnuna er stuðst við verkfærakistu frá ráðgjafa verkefnisins, Tom Buncle, sem kynnt verður á vinnustofu fyrir verkefnisstjóra 14.-15. mars 2017. Tom mun síðan halda reglulega snertifundi með verkefnisstjórum í gegnum allt ferlið þar sem farið verður yfir helstu áskoranir líðandi stundar og unnið að lausnum. Verkefnisstjórar hafa þannig stuðning bæði af Tom og af hverjum öðrum, auk þess sem Ferðamálastofa, Stjórnstöð ferðamála og markaðsstofurnar koma að vinnunni. 

Hvenær hefst sjálf DMP áætlanagerðin? 

Ráðgert er að áætlunargerðin sjálf hefjist á öllum svæðum í apríl 2017. Búast má við að fyrstu vikur og mánuðir fari í gagnagreiningu og gagnaöflun en að því loknu hefjist samræður á svæðisvísu um sameiginlegar áherslur. Áhersla er lögð á að mæta hverju svæði þar sem það er statt í ferlinu og forðast endurtekningar eins og framast er unnt. Vonast er til að áætlunargerð sé lokið vorið 2018 á allflestum svæðum.

 

Fannst þér efnið á síðunni hjálplegt?