Starfsemi Ferðamálastofu er skipt upp í þrjú svið: 

Þróunarsvið:
Þróunarsvið Ferðamálastofu er frumkvæðis- og samræmingaraðili á sviði þróunar- og nýsköpunar í starfseminni. Forstöðumaður sviðsins er einn af stjórnendum Ferðamálastofu og hefur það hlutverk að hvetja og efla samstarfsmenn sína við þau verkefni sem sviðið annast.

Helstu verkefni:

• Mótar og framfylgir stefnu á sviði gæðamála s.s flokkun gististaða og tjaldsvæða.
• Vefþróun- og viðhald á samskiptavef og gagnabanka sem þeim vef tengjast.
• Umsjón- og þróun á gagnabanka Ferðamálastofu og útgáfa Handbókar.
• Verkefni á sviði almannatengsla og auglýsinga innanlands s.s fréttatilkynningar og ársskýrslur.
• Framkvæmd og þróun samninga sem varða ferðamál innanlands á sviði uppbyggingar og þróunar ásamt rekstrar- og fjármáladeild s.s Umsjón með uppbyggingu og þróun landshluta- og upplýsingamiðstöðva.
• Umsjón með uppbyggingu og þróun ferðamannastaða. Svörun rafrænna fyrirspurna samanber info@icetourist.is
• Umhverfismál.
• Fræðslumál.

Markaðssvið
Markaðssvið Ferðamálastofu er frumkvæðis- og samræmingaraðili á sviði markaðs- mála í starfseminni. Forstöðumaður sviðsins er einn af stjórnendum Ferðamálastofu og hefur það hlutverk að hvetja og efla samstarfsmenn sína við þau verkefni sem sviðið annast.

Helstu verkefni:

• Markaðsmál innanlands og erlendis.
• Markaðsáætlanir og framkvæmd þeirra.
• Umsjón og framkvæmd ferðasýninga.
• Umsjón og framkvæmd hýsingarverkefna s.s Ráðstefnuskrifstofa Íslands og Cruise Iceland.
• Gerð landkynningarefnis og markviss dreifing.
• Vefþróun- og viðhald landkynningarvefja s.s visiticeland.com, ferdalag.is, á goiceland.org og íslenski hluti visiteurope.com.
• Framkvæmd og þróun samninga sem varða markaðssetningu Íslands á erlendri grundu, ásamt rekstrar- og fjármáladeild s.s Iceland Naturally.
• Stefnumótandi framkvæmdaaðili í ímyndarmálum.

Þjónustusvið:
Deildir á þjónustusviði eru eftirfarandi:

Rekstur og fjármál, lögfræði og stjórnsýsla, sérverkefni og rannsóknir og kannanir. Starfsfólk deilda á þjónustusviði heyrir beint undir ferðamálastjóra.

Skrifstofur:

• Listi yfir starfsfólk