Verkefni Ferðamálastofu á sviði umhverfismála

Umhverfismál eru samkvæmt lögum um skipulag ferðamála eitt af verkefnum Ferðamálastofu. Stofnunin sinnir fjölþættri starfsemi á þessu sviði og má þar til dæmis nefna:

• Úthlutun styrkja til þeirra sem vinna að úrbótum í umhverfismálum á ferðamannastöðum
• Fræðslustarf, svo sem útgáfu leiðbeiningar- og fræðslurita
• Ráðgjöf
• Einstök verkefni, til dæmis hreinsun hálendisleiða

Af þessum þáttum er sá efsti sínu fyrirferðarmestur. Auk þess má nefna að Ferðamálaráð hefur á liðnum árum haft forgöngu um og umsjón með úrbótum á fjölsóttum ferðamannastöðum, oft í samvinnu við aðra, svo sem sveitarfélög á viðkomandi svæði, Vegagerðina og Umhverfisstofnun. Þarna hefur jafnan verið um að ræða nokkuð umfangsmiklar framkvæmdir. Haustið 2003 var tekið upp nýtt verklag varðandi útdeilingu fjármuna sem varið er til umhverfismála af hálfu stofnunarinnar. Meginbreytingin felst í því að bróðurparti fjármunanna er nú úthlutað í styrkjaformi og skiptist upphæðin í þrjá meginflokka. Nánar má fræðast um þetta undir liðnum "Styrkir" hér á vefnum.