Þátttaka í ferðasýningum er mikilvægur liður í markaðsstarfinu. Ferðamálastofa leggur megináhersla á þrjár lykilsýningar: International Tourism - Börse (ITB) í Berlín (mars), Swedish International Travel & Tourism Fair (TUR) í Gautaborg (mars) og World Travel Market (WTM ) í London (nóvember). Einnig hefur verið tekið þátt í stærstu ferðasýningum Asíu, China International Travel Mart og JATA í Japan.

Íslenskum ferðaþjónustuaðilum býðst að fá aðstöðu í bás ráðsins gegn föstu gjaldi. Ferðamálastofa sér um að útbúa básana og skapa mönnum aðstöðu til að hitta viðskiptavini sína en síðan er undir hverjum og einum komið að nýta tækifærið sem best. Sýningarstandar Ferðamálastofu á þessum sýningum standa einnig opnir erlendum fyrirtækjum er koma að sölu Íslandsferða. Fulltrúar Ferðamálastofu taka einnig þátt í fjölda annarra svæðisbundinna sýninga, til að mynda í Þýskalandi og Frakklandi

Fáið nánari upplýsingar um einstakar sýningar í listanum hér til vinstri.